عدد المساهمات : 1664 تاريخ التسجيل : 16/02/2010 العمر : 34 الموقع : بلاد الحب والرومانسية
موضوع: تسجيل الموقع في جوجل خلال 24 ساعه الأربعاء مارس 31, 2010 2:13 pm
بسم الله الرحمن الرحيم
الادرس الاول من سلسة دروس اساسيات اشهار المواقع والمنديات ونجاحها
** تسجيل الموقع في جوجل خلال يومان فقط او اقل
طبعا اول شئ تفكر فيه وانت بتصمم موقعك هو الزوار .. ازاي اقدر اجيب الزوار .. ممكن تبدي تفكر في الاعلانات المدفوعة .. ممكن ليه لأ
ممكن تبتدي تشهره لاصحابك وقرايبك ... ممكن طبعا
بس مش دول كل حاجة .. حوار الاعلانات المدفوعة رغم انه مكلف لكن نتايجة برضه مش قد كده .. بمعني ان الزوار اللي بيزوروا موقعك نصهم تقريبا زوار غير مستهدفين
ونفس الحكاية لما تنشرة بين اصحابك وقرايبك .. ناس كتير متعرفش من الاصل ايه المنتدي ده وناس تانية تري المنتدي مجرد لعبه وتالتين يعملوا مشاركات مجامة عشانك .. هتلاقي منهم شغل بس برضه مش المطلوب
- امال ايه بقي يا عم الحج قارفنا ليه بكلامك ده ..
بص يا باشا دلوقتي طبعا مين مبيخشش علي جووجل كل يوم .. وكام عمليه بحث بتعملها ؟؟
فعليك ان تتأكد افضل زوارك هم من محركات البحث .. لانهم الزوار المستهدفين يعني لما يجي العضو بنفسه يتعب نفسه ويعمل بحث في جووجل ويلاقي موقعك ويخش عليه و يلاقي الحاجة اللي بيدور عليها واللي عملها البحث .. اظنه افضل من احنا نرغمة علي الدخول بالبانرات والاعلانات الدعائية وغيره .. ده غير ان العضو ده هيجيلك تاني بعد ما لقي الحاجة اللي عايزها في الاول
فبالتالي هدفك الاول لتجميع الزوار هو محركات البحث .. خلاص اتفقنا ؟؟
اي واحد صاحب موقع جديد واقتنع بفكره محركات البحث هيبتدي او حاجة يفكر ازاي يحط موقعه علي جووجل ويتمني انه يتحط باسرع سرعة
انا هقولك ازاي تحطه في اقل من 24 ساعة .. وانت و مجهودك برضه ..
قبل اي حاجة نصيحة مهمة جدا ..
لا تستخدم ابدا رابط اضافة موقعك في جووجل ابدا اللي هو :
في مرة جربت احط موقعي من هذا الرابط .. لا تتصورا كم انتظرت حتي وجدت موقعي علي جووجل اول مرة .. ياه حوالي 3 او 4 شهور
- يا ساتر ايه ياعم ده
فعلا ده اللي حصل معايا وحصل مع كل الناس وممكن توصل المدة كمان لستة اشهر
- طيب ايه الحل بقي ؟
الحل بسيط جدا .. هل سمعت ولو نبذة بسيطة عن جووجل بيج رانك ؟؟
- اه يعني .. بس ليه ؟؟
بص يا معلم دلوقتي سر وضع موقعك في اقل من 24 ساعة علي جووجل وغيره من محركات البحث الاخري في البيج رانك هذا .. فوضعك لرابط او وصلة لموقعك في اي موقع ذو بيج رانك اعلي من 5 او حتي 4 يجعل موقعك موجود في جووجل في اقل من 24 ساعة قد تزيد قليلا ..
- حيلك حيلك انا مش فاهم منك اي حاجة ..
الحوار بسيط جدا .. الاول نحمل التولبار بتاع جووجل اللي نقدر نعرف بيه البيج رانك لاي موقع
وخلي بالك اهم حاجة هيظهرلك صفحة الـ setup للتولبار بعد التحميل وهيكون في خيار اسمه تمكين الـ page rank لازم تضع امامه علامه عشان نقدر نحدد اي بيج رانك لاي موقع
وبعد التحميل التولبار بتاع جووجل هيبقي بالشكل ده
[ندعوك للتسجيل في المنتدى أو التعريف بنفسك لمعاينة هذا الرابط] - جميل نزلت التولبار بس انا مجرد بسمع عن البيج رانك ده يعني ايه هو اصلا ؟؟بص مش لازم تفهم معناه دلوقتي ادام هعرفك كل حاجة بالظبط ان شاء الله .. المهم دلوقتي انك بس تعرف تحدد البيج رانك بتاع اي موقع .. وده سهل خالص
هعيد تاني واقول بكل هدوء .. دلوقتي انت عرفت تحدد بيج رانك اي موقع .. طيب انت لو جيت دخلت علي موقع البيج رانك بتاعه اعلي من 4 مثلا وجيت حطيت اللينك بتاعك في اي حته في الموقع ده .. كده تبقي انت ضمنت ان شاء الله موقعك يبقي موجود علي صفحات جووجل في اقل من 3 ايام بالكتير
- انت مش قلت 24 ساعة يا عم انت ؟؟
قلت طبعا بس انت وشطارتك
- ازاي يعني ؟؟
يعني دلوقتي اللي حط اللينك بتاعه في موقع البيج رانك بتاعه 6 هيظهر قبل اللي حطه في بيج رانك 5 وهكذا وكلما زادت عدد اللينكات في المواقع المختلفة كلما زادت سرعة وضع جووجل لموقعك علي صفحاتها ده غير ان ليها فوائد كتير تانية هتعرفها ادام ان شاء الله
- جميل دلوقتي انا فهمتك بس ازاي بقي هحط لينك الموقع في اي من المواقع دي ؟؟
الموضوع مش الصعب .. تعالا معايا وهوريك خطوة خطوة ازاي تقدر تحط لينك موقعك في موقع ليه بيج رانك 4 مثلا
- واديني معاك اهو
دلوقتي احسن المواقع اللي تقدر تذييل فيها اسم موقعك والرابط بتاع هي مواقع الـ Tutorials الاجنبية ودي بتبقي مواقع فيها شروحات عن كل حاجة وكل البرامج والجرافيكس .. الخ طب تعالا بقي نفتح جووجل
افتح الدرس اتفرج عليه وانزل تحت خالص هتلاقي Add Your Comment مجرد هتكتب اسمك وهنا متكتبش اسمك فعلا .. اكتب اسم موقعك ... مثال : wmasr اما بالنسبة للرابط فطبعا هتكتب رابط الموقع بتاعك .. وفي ال comment بتاعك تكتب اي كلمتين حلوين وتحط معاهم برضه لينك موقعك زي كده مثلا
this is wonderful tutorial .. i read it 3 times and get a fantastic results and sure i put a copy of this lesson on my site here
- بس انا لا قريت الموضوع ولا اعرف بيتكلم عن ايه ؟؟
مانت بقي خليك واد صايع كده عشان يبقي الكلام جميل ... و خليك ذكي متكتبش رابط موقعك بس من غير اي كلام لانهم ممكن يمسحوا الرابط اللي انت حطيته ويعتبروا مشاركتك دي سبام ودي صورة توضح كل حاجة ومكان المشاركة وتكتب ايه بالظبط تاني
وللعلم ده برضه موقع للـ tutorials وده الموقع اللي انا اضفت فيه موقعي واللي ظهر في 3 ايام علي الرغم من انه بيج رانك 2 فقط [ندعوك للتسجيل في المنتدى أو التعريف بنفسك لمعاينة هذا الرابط]
ومش هديلك الموقع وبس .. تعالا اوريك برضه بشكل مبسط اضافة موقعك فيه
ومتسناش برضه دلائل المواقع المنتشرة .. ليها اهمية كبيرة جدا جدا .. حاول تحط موقعك في اكبر قدر من الدلائل
وللعلم ان المواقع الاجنبية دايما ليها الاسبقية في اي شيء .. يعني لو موقعك اجنبي هيظهر اسرع بالتأكيد
دلوقتي متقفش عند كده .. لأ خش علي اكبر قدر من المواقع والدلائل البيج رانك بتاعها اعلي من 4 او حتي اعلي من 3 او انشاء الله 2 واعمل نفس الحركة اللي عملناها بأنك برضه تعمل بحث زي ماعلمنا وتاخد اي موقع غير اللي عملناه .. ومتعملش كل اللينكات بتاعتك في موقع واحد ابدا .. ممكن الموقع ده يكون بيمنع وضع وصلات لمواقع اخري في اي تعليق وبيعتبره سبام .. خليهم في مواقع كتيرة .. فاضافة موقعك في المواقع دي اولا هيخلي الموقع زي ما قلنا ينزل في جووجل بسرعة مش هتعدي ابدا ال 3 ايام باذن الله .. ثانيا ده بيعلي البيج رانك بتاعك انت اصلا والبيج رانك ده حاجة مهمة جدا في تقييم المواقع وزي ما قولتلك هتعرف كل حاجة عنها بالتفصيل في الدروس الجاية ان شاء الله
rasha مشرف عام
عدد المساهمات : 1213 تاريخ التسجيل : 17/02/2010 الموقع : بلاد الصدق والصداقة
موضوع: رد: تسجيل الموقع في جوجل خلال 24 ساعه الأربعاء مارس 31, 2010 2:46 pm
بصى بقى يا بنوتة انا عندى فكرة حلوة يا عم الحاج انت تيجى كدة يا باشا زى العسل وتعملنا درات هنا على المنتدى وانا اول حد هاجى والتحق ماشى يا جميل مستنية
وجميل الموضوع بتاعك دى
ابوسعيد القيصر
عدد المساهمات : 1258 تاريخ التسجيل : 14/02/2010 العمر : 50 الموقع : قلب سعيد واسلام
موضوع: رد: تسجيل الموقع في جوجل خلال 24 ساعه الخميس أبريل 01, 2010 12:19 am
جميل يابنوته بس انا عندى فكرة وبشتغل عليها وبلاقى اسمى فى جوجل فى المقدمه اولا سجلى على جوجل ثانيا هتلاقى خدمات جوجل اختارى خدمه اصحاب المواقع وضيفى موقعك او منتداكى كام يوم وهتلاقى موقعك على جوجل بس بيشوفو فيه حد فعلا هيبحث عنه ولا لا ويضيفوه فورا
بنوته جنان مشرف عام
عدد المساهمات : 1664 تاريخ التسجيل : 16/02/2010 العمر : 34 الموقع : بلاد الحب والرومانسية
موضوع: رد: تسجيل الموقع في جوجل خلال 24 ساعه الأربعاء أبريل 14, 2010 3:39 pm
ماشى يا رشا استعدى للدرس يا قمر
بنوته جنان مشرف عام
عدد المساهمات : 1664 تاريخ التسجيل : 16/02/2010 العمر : 34 الموقع : بلاد الحب والرومانسية
موضوع: رد: تسجيل الموقع في جوجل خلال 24 ساعه الأربعاء أبريل 14, 2010 3:42 pm
نورت ابو سعيد
وبكدة طريقتك تكسب لانها اسهل
ابوسعيد القيصر
عدد المساهمات : 1258 تاريخ التسجيل : 14/02/2010 العمر : 50 الموقع : قلب سعيد واسلام
موضوع: رد: تسجيل الموقع في جوجل خلال 24 ساعه الخميس أبريل 15, 2010 4:22 am
اسف يابنوته مش قصدى والله انا رديت على الموضوع كاضافه بس ولكن مش موضوع طريقتى وطريقتك ارجو انك متزعليش لان ده مكنش قصدى
